تعالو نتفااااااااائل..

[Rorry]

السلام عليكم ورحمة الله وبركاته

انا مصابه بالمرض منذ سته اشهر تقريبا وتوي اكتشفت انه
تصلب متعدد

ويوم اكتشفت قرأت عن المرض كثيييييييير كثييييييييير

لدرجة ماعاد قدرت انام ولا ارتاح

فقط افكر..افكر..افكر..

اخاف يجي يوم..لاقدر الله

ويصير لي شي..

انا عندي الان تنميل فقط..

بس انا التصلب اللي عندي من النوع الانتكاسي

واخاف من النكسات

مدري كذا..طول الوقت خايفه..

وكلت امري للخالق..

ودي نسوي هالصفحة للتفائل..

احكولي عن تجرابكم الحلوه مع المرض..

وكيف تخطيتوه..
وكيف نفسياتكم..

وخططكم المستقبليه..

وطموحاتكم..

وامنياتكم..

ابي تفاااااااااائل..

تعبت من الهم..:Cry:

[CaToOo]

اختي وفا لاتحاتين ربج مايقصر

مثل ماقلتي وكلي امرج لله

انا المرض من 2006 كنت ماقدر امسك شي بيدي على طول يطيح من ايدي
ونظري ضعف وعلى طول ترجيع وانتي بكرامه وايضا تنميل

بس الحمدالله الدكتور طمني

خذيت جرعه الكورتيزون وصرت احسن

وقالي الابر واضبي عليها لاتطوفين ولا يوم

والحمدالله الف الحمدالله الحين احسن بواااااااااااايد

اللي اول ماقدر اقدم الجاي حق احد لانه يطيح من ايدي الحين اقدم واشيل واحط وكل شي ممتاز

انتي لاتحاتين ولا تخافين قولي الحمدالله على كل حال

والله يشافي الجميع يارب :nice2::nice2:

[Rorry]

مشكووووووووره كاتووو<<صح؟!

والله يشفيك..ويشفينا اجمعين..ويختفي هالمرض من العالم..

[نور القمر]

تسلمين ياوفاء على هالفكره الحلوه واحنا بجد نحتاج تفاؤل ومعنويات مرتفعه لان النفسيه هي نصف المرض


اول شي الحمدلله انه ابتلاء من ربنا واحنا ان شالله صابرين


اول ماعرفت بكيت لما صفا راسي لاني حسيت اني غير الناس وخاصه لما سمعت اسم المرض

الحين الحمدلله قدرت اكيف حياتي لاني مابيدي شي غير اخذ الدوا والحمدلله على كل حال

وصرت امارس الرياضه باننتظام ودخلت نادي صحي واختلطت مع الناس اكثر وارتفعت معنوياتي كثير :yeah:

[fajer.22]

هلا اختي وفاااا على موضوعك الحلو.,,,,ما أحلى التفائل


الله يعطيني ويعطيك العافية


أنا عن نفسي اول ماسمعت الخبر ماتخيلت صعوبة المرض لاني اول مره اسمع فيه بس كان كلام واسلوب الدكتور يخوف لان قام يشرح اصعب نقطة وهي تطورات المرض وانو لا سمح الله راح تضطرين تستخدمين الكرسي المتحرك .... صدمني بهالكلمة

وقمت افكر لوحدي واتكبر على نفسي بتجاهل المرض وانو مافيني شيء حتى ما ناقشت اهلي بكلام الدكتور وكأن اللي فيني انفلونزا حتى استكثرت ع نفسي اني افتح النت واشوف وش هاللي فيني !!!!!!


الوالد الله يعطيه العافية هو قام يفتح النت ويبحث عن اسم المرض وانا بالصدفة دخلت عليه وقمت اقرا ,,,

هنا بديت استوعب المرض وافهم انه خطير ومرض مزمن واني راح اتعرض لهجمات لو ماتابعت ع العلاج

هنا انا بديت ابحث بطريقه عجيبة اقعد ع النت بالساعات اقرا واقرا عربي ع انجليزي ع منتديات مصريه الين توصلت الى هذا المنتدى الاكثر من رائع والحمدلله حسيت هنا احد يرد الصوت علي ,,, ع الاقل مو انا لوحدي بهالدنيا وانا احسن من غيري اللي فقد له يد والا رجل والا كلية وغيرها من امراض الدنيا الله يشافينا ويشافيهم

صحيح اني عانيت في البداية مع الصدمة واني غير عن اللي حواليني

بس اخذت وقتي باستيعاب المرض ولجأت الى ربي ,, واكثرت من قراءة القران اللي ارتاااااااااح كثير بعدها وبالصدقات والاستغفاااااااااااااااااار...

وانتي ريحي نفسك والزم ماعليك نفسيتك...حطي هالشيء ببالك وترا الدنيا ابد والله ماتسوى:thumbsup:

ولا تفكرين باللي فيك قولي قدر الله وماشاء فعل ,,,اللي بيصير بيصير بس ماعليك اللي بالدعاء لانه يرد القدر

الله يبعد عنا وعنك كل مكرووووه

اختك فجر

[lost]

تسلمي يا فجر على الكلام الى يريح القلب :nice2:

[Rorry]

فجر..نور القمر..مشكورين على المسانده النفسيه جزاكم الله كل خيير..

والله يكتب لنا ولكم كل مافيه الخير والصحه والعافيه..

مشكورة لوست عالمرور..

[tomh]

هلا وفاء

تدري انا اول ما بديت اقرأ عن المرض كنت مثلك اخاف يجي علي يوم وما اقدر امشي اصحى من النوم وما اقدر اقوم لدرجة ان مر علي ايام ما اقفل باب غرفتي بالمفتاح اخاف ما اقدر افتحه

اهلي قالوا لي خلاص لا تقري شي كفايه عليك

بعدين صرت افكر اقول المكتوب بصير مثل ما فجأة صابني المرض فجأة ممكن اشفى منه ويروح عني

ودايما هذا في بالي ان لازم يجي هذا اليوم علي وبالاقي نفسي شفيت وما يحتاج اخذ ابر

[Farawlaa]

بالنسيه لي صاير لي فتره واااااااايد اعصب وعلى اقل موضوع ابجي وتعبت من هالحاله هذي

[lost]

بالنسيه لي صاير لي فتره واااااااايد اعصب وعلى اقل موضوع ابجي وتعبت من هالحاله هذي

كل مشكله له حل باذن الله فتره وتروح ان شاء الله بس بداية المرض لازم تتعايشي مع المرض والحمدلله على كل حال واحنا احسن من غيرانا :hug:الله يشفينا ويشفي كل مريض

[Rorry]

مشكورين..ثومه..فراوله..لوست..

فراوله انتي تعصبين لانك تفكرين بالمرض..

انا بس احس بتعب شديييييييييييييييييد..واحس عظامي ترجف..انتو مثلي؟؟؟؟

[Farawlaa]

حتى انا حبيبتي جسمي كله يعورني واحس اني ومسويه مجهووووووووووووووود كبير

[Rorry]

فراوله..هالآلام..من الأبر؟؟

[دمعة وفاء]

انا اتوقع انو التعب والارهاق ..كلها أعراض جانبية للابر..

الله يشفـ ــ ـ ــ ـي جميع مرضى التصلب يااااااااارب,,

[ليلو]

الله يشفي الجمييييع يارب ويهونها علينا :nice2:

[Rorry]

شكرى سنابل..ليلوو..