تنميل جديد في موضع جديد

[ريماس]

أنا أعاني من التنميل في يدي ورجلي اليسار حتي بعد الكرتزون ما خف وهذا الكلام قبل سنة وكم شهر تقريبا .... والحمدلله تعايشت مع الوضع .
لكن المشكلة ألحين تقريبا من قبل شهر حسيت بتنميل في يدي ورجلي اليمين وكله حاطة في بالي عرض ويروح و لكن للأسف ساعات يزيد وساعات يخف المهم راجعت طبيب أعصاب وقالي لازم تسوين تصويرالرنين علشان نشوف هل فيه نقط بيضاء جديدة ولا لأ وبعدها يقرر يعطيني كرتزون أو ماأحتاج بس المشكلة أنو بهذا الشهر أنا تاركة مانع الحمل وأبي أحمل...
سؤالي ؟؟ عادي اسوي الرنين في هذي الفترة ؟؟؟ و عادي أخذ الكرتزون ؟؟؟
الله يعافيكم اللي عندها فكرة أوخبرة لا تبخل علي وأسأل الله العظيم رب العرش العظيم يشفي الجميع .

[om leen]

ريماس يا قلبي ما ينفع تسوي رنين مغناطيسي و انتي شاكة اذا كنتي حامل قبل ما تسوي الرنين المغناطيسي انصحك بتحليل الحمل الاشعة تضر بالجنين اما عن الكورتيزون ما اقدر افيدك سامحيني لاني ما ادري بالتوفيق يا عمري

[ريماس]

أشكرك ياالغالية بس المشكلة ما لي إلا عشرين يوم من أخر دورة

[½ أنسان]

التنميل بكل أنواعه لايعتبر هجمه

بس بالنسبه لاحالتك أخت ريماس لابد من مراجعة الطبيب

ولاأعتقد أنه يوجد في المنتدى عضو يقول لكِ أفعلي كذا ولاتفعلي كذا

لأن حالتك ((( خاصه )))



تمنياتي لكِ الشفاء العاجل أن شاء الله

[ذهب]

يارب يشفيك عزيزتي

بس ياريت اقدر اساااعدك

[الشوق عطري]

ريمااس يااقلبي

اناا قاابلت وحدة حاامل وقاالت لي انهاا اخذت كورتيزوون عااادي

بس الرنين مااعندي خبرر بس اتوقع انه مضر على الجنين

ومااتشوفين شرر ومااقداامك الا العاافيه ياارب

شفااني الله وايااكم

[سولدير]

اختي ريماس اطال الله بعمرك من المعروف والطبيعي عدم تعرض الحامل لمثل هذه الامور اشعه وادويه واحساسك دليلك وخوفك مبرر الله يوفقك للطريق وتشوفي احفاد احفادك ..
اخوك

[نسرين]

مرحبا اختي الكوكو انا اخذته في شهوري الاخيره

والحمد لله ماشفت شر

والاشعه اصلا الدكتور مابيسويها الا اذا حللك

وطلع له انك مو حامل

هذا الي اعرفه

وسلامتك من كل شر قدامك الف عافيه


تحياتي

[mansor]

اختي ماانصحك بالاشعة وعادي ترى يبان الحمل في تحليل الدم اوفي السونار والله يفرحك بعافيتك ويرزقك بطفل تام الخلق والعافية:nice2::nice2::nice2::nice2:

[القناص]

اختي نفس طريقتي كان عندي تنميل برجوالي


قال الدكتور بسويللك اشعه اذا تحتاج كرتزون ولا لا


وموعد االا شعه يتاخر علشان عارف مستشفى الحرس الوطني والزحمه

المهم سويت اشعه بس قبلها خف التنميل
راجعت الدكتور قال ما تحتاج كرتوزن

بنسبه للحمل ما عندي خلفيه

والله يشفيكم ويعافيكم:165:

[غسق السبيعي]

اذا عن التنميل يالغالية لا تشيلين هم انا مثلك اول ماتعبت كان في الرجل واليد اليمنى وبعد مااخذت الكورتيزون جلست فتره تغير محل التنميل وصار بالرجل واليد اليسرى

وكله يقولون لي طبيعي هذا هو وهذا الكهرباء الي بالجسم

اما اشعة الرنين خطره مره على الجنين لو كنتي حامل ممكن تسبب تشوهات لا قدر الله

يستحسن لو كنتي شاكه تعملي تحليل

وماتشوفين شر غاليتي والله يطعمك الذرية الصالحه ان شاءالله ويسعد قلبك

قدامك العافية

[ريماس]

أشكر الجميع على ردودهم وربي يشفي الجميع ... آآآآمين :nice2:
و بقولكم أخباري ... أولا ما طلعت حامل ... و ثانيا عملت الرنين وقالي الطبيب مافيه هجمة جديدة ... و للأسف التنميل مازال !!!