مجمع الأمير سلطان للتأهيل

[abubidur]

رسالة مجمع الأمير سلطان للتأهيل :

أولاً : توفير الخدمات التأهيلية للأطفال المعاقين حركياً والمصاحبة إعاقاتهم بإعاقات نمائية أخرى مثل الإعاقات الذهنية ( البسيطة والمتوسطة والشديدة ) والإعاقات الحسية السمعية لكثرة أعدادها
وقلة الخدمات المقدمة لها في المنطقة الشرقية 0


ثانياً : تقديم برامج التأهيل الشامل الطبية والمهنية والتربوية والإجتماعية للأطفال المعاقين حركياً والمصاحبة إعاقاتهم بإعاقات
نمائية أخرى من سن الولادة حتى 18 عاماً .


ثالثاً : تشخيص وتقويم جميع الإعاقات النمائية لدى الأطفال وحتى
سن 18 عاماً .


رابعاً : تقديم الخدمات التأهيلية للبالغين عن طريق وحدة الأطراف
الاصطناعية والجبائر ووحدة العلاج الوظيفي والعلاج الطبيعي .


خامساً : تقديم البرامج التأهيلية للأطفال الذين لديهم إعاقات حركية
مصحوبة بإعاقات نمائية من خلال وحدات الرعاية النهارية و النطق و
التأهيل المهني والتأهيل ضمن المجتمع والتأهيل البدني والرياضي
والتأهيل النفسي والإجتماعي والتثقيف الصحي والإرشاد الأسري .

[abubidur]

المهم ياجماعة بوبدور زار هذا المكان قبل كم شهر للإستفسار
عن حاجة معينة لاحد الاخوات هنا الله يذكرها بالخير وقلت لهم
هل أقدر أستفيد منكم وقالوا اهم شي تكون عندك بطاقة معاق
قلت موجودة وفتحوا ليا ملف عندهم ودخلوني على دكتور شاطر
هناك هندي اسمه كومار عنده معلومات كويسه عن ال MS وعن
الابر وحولني للعلاج الطبيعي وصرت مره في الاسبوع اعمل عندهم
العلاج الطبيعي يمكن برنامجي 12 جلسة وبعدين ارجع للدكتور كومار



واللي يبي يستفسر لا يتردد بوبدور حاضر

[ايناس]

يعطيك العافية اخي ابو بدور لو سمحت عندك معلومات هل يوجد مجمع في جدة

[abubidur]

هلا ايناس يعافيك
احين تلفونهم ما يردوا عليه
بكره انشاءالله اسألك عليهم .

[أسما]

هلا برجعتك ابو بدور

شكرا وما تقصر ..اتمنى لك اكبر الفايده معهم

[abubidur]

مشكورة اسما بارك الله فيك

[abubidur]

مع كل أسفي ايناس مافي الا اللي في الشرقية
دقيت عليهم وجاوبوني بالنفي .

بس ابحثي هناك من فضلك وتلقين مراكز اخرى
عندكم يمكن تكون احسن .

[MS Lady]

مشكور بوبدور
يعطيك العافية
هذا المجمع موجود في الرياض كمان
أنا شفته خدمات رائعه بس ماادري اذا كان نقدر نتعالج فيه او لا
تحياتي لك

[Hope]

يعني فرع له يا ليدي؟ بنفس الاسم قصدي.

[MS Lady]

اي هذا فرع اليهم بنفس الاسم
لأن سووا الينا التعريف بالمكان قالوا ان عندهم بالشرقية

[abubidur]

عادي تعطينهم التقرير حقك حق ال MS
وتدخلين او هم يدخلونك على الطبيب
اللي عندهم وهو يحدد لك كم جلسه
تحتاجين وبسعر رمزي لأنها جمعية خيرية
هي ولو عندك البطاقة يسوون لك إعفاء مثلي .

[abubidur]

مرحبا ليدي ولا يهونون البقيه
اليوم كان عندي جلسة علاج عندهم واستفسرت
من الاخصائي حقي اذا كان اللي تقصدينه حضرتك
في الرياض لهم علاقه ،وقال لا مجرد اسماء واللي
هناك يعتبر مستشفى أو مدينة طبية أما هذا عبارة
عن جمعية خيرية وسألته عن قيمة الجلسة قال
رمزية هنا عندنا 35 ريال وفي المستشفيات ما تقل
عن 200 ريال لكن بوبدور معفي عن الدفع الحمدلله .

رغبت أوضح اذا كان فيه التباس عند البعض .

[ايناس]

مشكور اخي ابو بدور ويعطيك العافية

[moneer12]

مشكور وبارك الله فيك

[المتفائله]

مرحبااااا ياأخ ابو بدور
من وين طلعت بطاقة الاعاقه وشلون حصلت عليها
لأني انا معاقه وانا رحت لمستشفى الامير سلطان اللي بالرياض وكان سعر الليله 2000ريال
طيب عطني اسم المركز اللي عندكم بالشرقيه وكم رقمهم وعنوانه؟؟؟؟

[المتصلبه الراضية]

ايناس فيه فرع في جده وراتب بعد على حسب الاعاقه وبطاقة تخفيض وهذا رقمهم بجده
6985198للنساء
للرجال6984798
شوفي لو طلبوا منك صورة لك ارفضي انا كلمت المدير في الرياض وقال لاتصورين الاا ذا كنت صغيرة ما تغطيتي

[المتصلبه الراضية]

في جميع مناطق المملكه موجود
انا حطيت ارقامهم في شبكه الخليج

[abubidur]

المتفائلة الله بالخير
والجميع ما يهونون ياريت تقرين موضوع تخفيضات
الجوال وبتلقين كل التفاصيل هناك ، ولو احتجتي
إيضاح حاضر .