هل بقيت في وظيفتك ام انهيتها بعد اصابتك بالمرض؟

[ملح الوجود]

اغلب المصابين موظفين وطلاب وبعضهم عاطلين و ربات بيوت
بعضهم قام بإنهاء وظيفته بسبب المرض الذي اتعبه وبعضهم من تابع عمله وهو مريض حتى يأخذ لقمة عيشه ,,
انا واحده كنت ادرس في كلية اول سنة لي خرجت منها بسبب المرض.,
هل انت او انتي بقيت في وظيفتك ام خرجت منها بعد اصابتك بالمرض؟

[هنيدة كنعان]

انااا داومت مع المرض مدة 4 سنوات تقريباااا وبعدهااا الام اس قرر عدم الاستمرار فتخليت عن عملي .......
اماا الان لا انكر اني لا اعمل في شهادتي ولاكني اعمل ولا اقف بدون عمل ,,,,,,,,, مع الام اس ,,,,,,,,,, ولكن لنقول حسب اوامره ممكن ...............!!!!!!!!!!!!

لنا ما يكتبه الله وكل ما يكتبه جميل

[بصمة ابداع]

لااعمل بسبب msافندي
ولكن نعوضها في دور التحفيظ يوم اذهب وعشره لااذهب
والحمد لله متفهمين الوضع
---------------ام معاذ

[ملح الوجود]

خير ماعملتم ام معاذ وهنيده كنعان.,

[كويتي17 MS]

اهلين ملح الوجود ولكمز بعد هالغيبهـ

انا مثل ماتدرين رابعه ثانوي بالكويت صعبة خاصة بالنظام القديم والسنه الي طافت درست رابعه بالسعوديه و تخرجت بنسبة 92

وجامعة الكويت ماقبلت شهادتي لأني مخلص الثانويه من السعوديه بس آخر سنه يبونها تسلسل ,, ثانيه ثالثه رابعه ,,

قلت بكمل دراستي بالاردن بس حاشتني ظروف ومنها اعراض المرض عطلتني اني أتغرب واكمل معه ربعي برا

والحين بهالفتره قاعد قهوه بيت

وبالعطله هذي بحدد مصيري بأذن الله

وظيفه بالديوان أو جامعة بمصر


بس انتي بنت حرام تروح عليج سنه تحدي المرض وحاولي تقاومينه وتكملين لاتيئسين وتحطين اللوم كله على الام اس

[ملح الوجود]

المشاركة الأصلية كتبت بواسطة كويتي17 MS

اهلين ملح الوجود ولكمز بعد هالغيبهـ

انا مثل ماتدرين رابعه ثانوي بالكويت صعبة خاصة بالنظام القديم والسنه الي طافت درست رابعه بالسعوديه و تخرجت بنسبة 92

وجامعة الكويت ماقبلت شهادتي لأني مخلص الثانويه من السعوديه بس آخر سنه يبونها تسلسل ,, ثانيه ثالثه رابعه ,,

قلت بكمل دراستي بالاردن بس حاشتني ظروف ومنها اعراض المرض عطلتني اني أتغرب واكمل معه ربعي برا

والحين بهالفتره قاعد قهوه بيت

وبالعطله هذي بحدد مصيري بأذن الله

وظيفه بالديوان أو جامعة بمصر


بس انتي بنت حرام تروح عليج سنه تحدي المرض وحاولي تقاومينه وتكملين لاتيئسين وتحطين اللوم كله على الام اس

هلا اخوي كويتي17 ,مهما غبت عنكم ارجع مره ثانيه هههه.
ماشالله 92وتقول عندنا صعب يعني لو كملت بالكويت تجيب 80وفوق يعني اغلب المواد عندهم كتبهم مثل كتبنا،,,,
انا تخرجت 2008 علمي خذيت 79ودخلت التربيه سنة جان يجيني الام اس كان اللي متعبني الصداع والكليه كبيره ومفتوحه على الشمس وحر ماقدرت اتحمل,قلت اطلع حتى مايزيد مرضي واتعب نفسي ،الحين شهادتي صارلها سنتين يعني ماراح تقبلني لا التطبيقي ولا الجامعه ,قدمت اسمي بالديوان عاد انطر اسمي يطلع بعد العيد,اهم شي صحتي ,كنت متمنيه اخذ البكالريوس واحقق طموحاتي ,بس الام اس خلاني ارضى بالواقع وامشي نفسي على قد حالي,

[كويتي17 MS]

انا كرهت الديوان لانه ببداية الشهر الي طاف نزلت اسامي الديوان وطلع اسمي معاهم مدني بوزارة الدفاع رحت قدمت وخلصت شغلي وختاروني بمكتب الوكيل بقالي الفحص وأروح اجيب ورقه من الديوان ومن بعدها ابدي اداوم

لمه رحت الديوان عطيتهم الرقم المدني ولا يقولون ماعندنا احد مثل رقمك المدني

وآآخر شي طلع تشابه أأسماء

وقالولي بنص شهر سبعه بينزل اسمك قلت بقلبي خير ان شاءالله

الحين حتى لو توظفت بقعد سنه بلوظيفه وبعدين اطلع تفرغ دراسي لأنه شهادة رابعه بلوقت هذا جنها ابتدائيه حتى اذا بتزوج باجر ام اس وشهادتي رابعه ثانوي ,, يطردوني اهل المره مالت عليها لوووووووووول

طبعا مابتزوج الحين توني عنونو بعدين افكر 23 أو 24 ولا شرايج هذا العمر المناسب

وسوري على الاطالة ذبحني السهر وجت فصلتي على المنتدى اليوم كله

[abubidur]

التصلب كان من أهم اسباب نجاحي في مجال أعمالي الحره ,
بعد فتره من الجلوس من النفس بكل صفاء وماني مخبركم
عن المكان اللي جلست فيه مع نفسي .

[بنت الغربيهـ]

انا بعد ماتخرجت من المرحلة الجامعيه
اصبت بمرض التصلب بس الحمدلله على كل حال

واتوظفت مدة شهرين وتركت الظيفه لسبب اني
تعبت مع الاطفال مره مجهودكنت اشتغل بروضه ومره تعب
والحين لي 8 شهور جالسه بالبيتوندمانه اشد الندم اني تركت الوظيفه

والحين قدمت بالخدمه المدنيه وادعي ربي تجيني
وظيفه تعليمه


جلسة البيت والإستستلام للمرض ماهي بصالحنا
احنا اللي بقوة إرادتنا نهزم المرض مو هو اللي يهزمنا
ويخلينا نستستلم للتعب والأوهام

الله يفرجها علينا يارب عاجلا غير آجل

[ملح الوجود]

كويتي 17
انشالله يارب نرزق بوظيفه مريحه ومعاشها يكفينا وفوق اللي نبيه امين وبعدين الناس تسأل عن الاخلاق اولا بعدين صحتك وشهادتك اهم شي الاخلاق ,اذا كان الواحد قادر على الزواج (المال/البيت/.....)خليتزوج مولازم العمر,,,,,
الناس الحين اغلبهم يسهرون عشان العطله لا ليلنا ليل ولا نهارنا نهار قلبنا الدنيا هههه صرنا ننام الصبح ونقوم بالليل خفافيش ههههه

بوبدر
غريبه اعرف الام اس يخرب كل شي بس ماشالله عليك, تدري حتى انا بعد احس غيرلي حياتي مو بالدراسه او العمل لأ غيرلي بحياتي الاجتماعيه مثل امي اول ماجاني المرض كنت انام بحضنها وتبجي وتدعيلي بالشفاء حيل تقربنا من بعض نسولف لبعض صرنا مثل الصديقات ,الكل صار يهتم فيني ويسأل عني دايما ويدعيلي الحمدلله.,

بنت الغريبه
الله يعينج,,آمين يارب تجيج وظيفه تعليميه وتوفقج فيها آمين
انا اذا كنت فاضيه اجيبلي خامات وكلف وقطع زينه اسويلي كوشيه او علبه او ازين دراريعي او ازين تيجان او اسوي بروشات هذي هوايتي اللي اعشقها,عندي طاقه مهدوره,يمكن بعدين اصير تاجره بالشغلات هذي صج ههههه